Konte təsdiqlədi: Braziliyalı klubu tərk edəcək

“Tottenhem”in çalışdırıcısı Antonio Konte hücumçu Lukas Mouranın klubdan ayrılacağını təsdiqləyib.

Komanda.az xarici KİV-ə istinadən xəbər verir ki, o, braziliyalı futbolçu ilə cari müqavilənin yenilənməyəcəyini deyib:

“Bu, klubun qərarıdır. Onun müqaviləsi yenilənməyəcək. Bu mövsüm Lukas Moura üçün çətin keçdi. Doğrusu, Lukas bu mövsüm planlarımızda yer alan oyuçulardan biri idi”.

30 yaşlı hücumçu 2018-ci ildən London təmsilçisinda çıxış edir. Onun klubla hazırki müqaviləsi 2023-cü ilin yayına qədər qüvvədədir.

Lukas Moura bu mövsüm “Tottenhem”in heyətində 11 oyuna çıxıb.