Konte özünü “Barselona”ya təklif edib

“Tottenhem”in sabiq baş məşqçisi Antonio Konte “Barselona”ya rəhbərlik etmək istəyir.

Komanda.az “sport.es”-ə istinadən xəbər verir ki, 54 yaşlı mütəxəssis özü xidmətini Kataloniya klubuna təklif edib. Amma qarşı tərəf hələ ki, ona cavab verməyib.

Ötən ilin martında “Tottenhem”dən ayrılan Konte həmin vaxtdan işsizdir. O, əvvəllər “İnter”, “Çelsi”, İtaliya millisi, “Yuventus”, “Siena”, “Atalanta”, “Bari” və “Arezzo”nu çalışdırıb.

“Barselona”nın hazırkı baş məşqçisi Xavi yanvarın 27-də mövsümün sonunda klubu tərk edəcəyini açıqlayıb. 44 yaşlı ispaniyalı mütəxəssis 2021-ci ilin noyabrından kataloniyalılara rəhbərlik edir.