“Avrokuboklarda oynamadığımız üçün bir çox futbolçu “Napoli”yə gəlmir”

“Napoli”nin baş məşqçisi Antonio Konte yay transfer pəncərəsində komandanın gücləndirilməsinin vacibliyindən danışıb.

Komanda.az xarici KİV-ə istinadən xəbər verir ki, o, komanda üçün ən yaxşısını istədiyini söyləyib:

“Mən düşdüyümüz vəziyyətdən xəbərdar idim. Klubun transfer məbləğləri və ya maaşlarla bağlı müəyyən məhdudiyyətləri var. Biz avrokuboklarda oynamadığımız üçün bir çox futbolçu “Napoli”yə gəlmir. Komandamız üçün ən yaxşısını istəyirəm. Heyəti gücləndirməyə çalışacağıq, çünki buna ehtiyacımız var”.

Neapollular avqustun 10-da İtaliya kubokunun 1/32 finalında “Modena”nı məğlub ediblər (0:0, penaltilər – 4:3).

“Napoli” ötən mövsüm İtaliya çempionatının turnir cədvəlində 10-cu yeri tutub.