Konte əsəbiləşdi, təhdid etdi, sarı vərəqə aldı FOTO

İspaniyanın “Sevilya” və İtaliyanın “İnter” klubları arasında keçirilən UEFA Avropa Liqasının final oyununda qalmaqal yaşanıb.

Komanda.az “Sky Sports İtalia”ya istinadən xəbər verir ki, oyunun 15-ci dəqiqəsində “İnter”in baş məşqçisi Antonio Konte ilə “Sevilya”nın yarımmüdafiəçisi Ever Baneqa arasında mübahisə yaşanıb. Belə ki, Baneqa Kontenin saçına toxunaraq, parik olub-olmadığını soruşub. Futbolçunun bu hərəkətindən əsəbiləşən Konte ona “oyundan sonra görüşərik” deyib. Konte bu hərəkətinə görə matçın baş hakimi tərəfindən sarı vərəqə ilə cəzalandırılıb.