“Roma” Konfrans Liqasının qalibi oldu!

Bu gün UEFA Konfrans Liqasının final oyunu keçirilib.

Komanda.az xəbər verir ki, final matçında “Roma” ilə “Feyenoord” üz-üzə gəlib.

Joze Mourinyonun rəhbərlik etdiyi İtaliya komandası lap əvvəldən Konfrans Liqasının favoritlərindən hesab olunurdu. Təbii ki, “canavarlar” final görüşündə qələbə qazanmaqla, mövsümü kubokla başa vurmaq istəyirdi. Amma “Feyenoord” o qədər də asan rəqib deyildi. Niderland təmsilçisi də Konfrans Liqasının qalibi olmaq üçün əlindən gələni edib. Lakin yekunda rəqibini minimal hesabla üstələyən “Roma” ilk dəfə keçirilən Konfrans Liqasının qalibi olub.

UEFA Konfrans Liqası

25 may

Roma (İtaliya) – Feyenoord (Niderland) 1:0
Qol: Zaniolo, 32.
Baş hakim: İştvan Kovaç (Rumıniya)
Tirana, Milli Arena

Roma: Rui Patrisio, Rik Karsdrop, Canluka Mançini, Kris Smollinq, Rocer İbanes, Brayan Kristante, Nikola Zalevski, Lorenso Pelleqrini (k), Henrix Mxitaryan, Nikolo Zaniolo, Temmi Abraham.
Feyenoord: Castin Beylo (k), Lutsarel Gertruyda, Markos Senesi, Tayrell Malasia, Gernot Trauner, Fredrik Aursnes, Orkun Kökcü, Qus Til, Luis Sinisterra, Reyss Nelson, Siril Dessers.