Konfrans Liqası: Uels klublarından biri darmadağına sevindi, digəri üzüldü

Futbol üzrə Avropa Konfrans Liqasında 2-ci mərhələyə start verilib.

Komanda.az xəbər verir ki, ilk oyun günündə dörd qarşılaşma baş tutub.

Bu oyunlardan ikisində darmadağın qeydə alınıbsa, bir matçda qalib müəyyənləşməyib.

Azərbaycanı bu yarışda təmsil edəcək “Qarabağ”, “Sumqayıt” və “Keşlə” də məhz bu mərhələdən mübarizəyə qoşulacaq. İyulun 21-də keçiriləcək yeganə oyun məhz “Sumqayıt”la Serbiya “Çukariçki”si arasında baş tutacaq. Qalan qarşılaşmalar isə bir gün sonra keçiriləcək. “Qarabağ” doğma meydanda İsrail “Aşdod”unu qəbul edəcəksə, “Keşlə” səfərdə Rusiya “Soçi”si ilə üz-üzə gələcək.

Konfrans Liqasında 2-ci mərhələnin cavab matçları iyulun 27-də və 29-da keçiriləcək.

Avropa Konfrans Liqası
2-ci mərhələ
20 iyul

Domjale (Sloveniya) – Honka (Finlandiya) 1:1

Kauno Jalgiris (Litva) – TNS (Uels) 0:5

Priştina (Kosovo) – Konnah (Uels) 4:1

Folqore (San Marino) – Hibernians (Malta) 1:3