Konfrans Liqası: “Sabah”la “Zirə”nin oyunlarının başlama saatları açıqlanıb

UEFA Konfrans Liqasında mübarizə aparan “Sabah” və “Zirə”nin 3-cü təsnifat mərhələsinin oyunlarının başlama saatları açıqlanıb.

Komanda.az UEFA-nın rəsmi saytına istinadən xəbər verir ki, avqustun 8-də səfərdə “Sent-Patriks Atletik” (İrlandiya) klubu ilə qarşılaşacaq “Sabah”ın ilk matçı saat 22:45-də start götürəcək.

Bir həftə sonra “Bank Respublika Arena”da keçiriləcək cavab qarşılaşması isə saat 20:00-da başlayacaq.

Xorvatiyanın “Osiyek” klubu ilə üz-üzə gələcək “Zirə” də ilk oyununa səfərdə çıxacaq. Oyunun başlama saatı 22:00-da təyin olunub. Avqustun 15-də “Dalğa Arena”da keçiriləcək cavab matçının start fiti isə saat 20:30-da səslənəcək.