Konfrans Liqası: “Roma” səfərdə, “Marsel”lə “Lester” evdə sevindi

Bu gün UEFA Avropa Konfrans Liqasında 1/8 final mərhələsinin ilk oyunları keçirilib.

Komanda.az xəbər verir ki, “Qarabağ”ı bu turnirdə mübarizədən kənarlaşdıran “Marsel” Ağdam klubunun qrupdakı rəqiblərindən olan “Bazel”lə üz-üzə gəlib. Komandaların ilk oyunu Fransa təmsilçisinin qələbəsiylə yekunlaşıb.

Turnirin qalibi adına əsas favoritlərdən sayılan Joze Mourinyonun rəhbərlik etdiyi “Roma” “Vitess”in qonağı olub. Romalılar bu görüşdən minimal hesabla qalib ayrılıblar.

Mövsümün sürpriz komandalarından sayılan “Bude Qlimt” “Az Alkmaar”la dueldən qalib ayrılıb. QNorveç təmsilçisi avrokuboklarda ardıcıl 8-ci ev oyununda qələbəyə sevinib.

Bol qollu “Partizan” – “Feyenoord” görüşündə qonaqlar darmadağınla qalib gəliblər. “Lester” isə “Renn”i məğlub yola salıb.

UEFA Konfrans Liqası, 1/8 final, ilk oyunlar

10 mart

PAOK (Yunanıstan) – Gent (Belçika) 1:0
Qol: Kurtiç, 58.
Baş hakim: Bartoş Frankovski (Polşa)

Vitess (Niderland) – Roma (İtaliya) 0:1
Qol: S.Oliveyra, 45+1.
Baş hakim: Pavel Raçkovski (Polşa)

Partizan (Serbiya) – Feyenoord (Niderland) 2:5
Qol: Natço, 13. Yoviç, 46 – Toornstra, 20; 77. Dessers, 52. Gertulda, 64. Sinisterra, 71.
Baş hakim: Maurisio Mariani (İtaliya)

Slaviya (Praqa, Çexiya) – LASK (Avstriya) 4:1
Qol: Sor, 3; 29. Olayinka, 83. Traore, 85 – Baliç, 67.
Baş hakim: Andris Treymanis (Litva)

PSV (Niderland) – Kopenhagen (Danimarka) 4:4
Qol: Qakpo, 21; 70. Doan, 50. Zahavi, 85 – Yohannesson, 6. Biel, 23; 78. Lerager, 43.
Baş hakim: Kreyq Pouson (İngiltərə)

Bude Qlimt (Norveç) – Az Alkmaar (Niderland) 2:1
Qol: Pelleqrino, 39. Solbakken, 90+1-pen – Abuxlal, 73.
Baş hakim: Nikola Dabanoviç (Monteneqro)

Lester (İngiltərə) – Renn (Fransa) 2:0
Qol: Olbrayton, 30. İheanaço, 90+3.
Baş hakim: Orel Qrinfeld (İsrail)

Marsel (Fransa) – Bazel (İsveçrə) 2:1
Qol: A.Milik, 19-pen; 68 – Espozito, 79.
Baş hakim: İrfan Pelto (Bosniya və Herseqovina)