Konfrans Liqasında pley-off mərhələsinə yekun vuruldu

08/26/2022 | 01:35

Bu gün futbol üzrə Avropa Konfrans Liqasında pley-off mərhələsinin cavab oyunlarına yekun vurulub.

Komanda.az xəbər verir ki, sonuncu oyun günündə 21 qarşılaşma baş tutub.

Daha öncə İsveçin “Yurqarden” komandası Kipr APOEL-ini iki oyunun yekununda mübarizədən kənarlaşdırmağı bacarmışdı. Bu gün isə daha 21 komanda qrup mərhələsinə vəsiqə qazanıb. “Qəbələ”ni 2-ci raundda mübarizədən kənarlaşdırmış Macarıstan “Fehervar”ı doğma meydanda Almaniyanın “Köln” klubuna 3 cavabsız qolla uduzaraq mübarizəni dayandırıb. “Zirə”nin yolunu kəsən Təl-Əviv “Makkabi”si də Fransanın “Nitsa” komandasını keçə bilməyib. “Neftçi”ni Konfrans Liqasından kənarda qoyan Avstriya “Rapid”i də Lixtenşteyn “Vaduts”u ilə bacarmayıb.

Türkiyə təmsilçisi “Başakşəhər” doğma meydanda “sülh bağladığı” Belçika “Antverpen”inə səfərdə qalib gəlməklə qrup mərhələsinə vəsiqə qazanıb.

Avropa Konfrans Liqası
Pley-offun cavab oyunu
23 avqust

APOEL (Kipr) – Yurqarden (İsveç) 3:2
İlk oyun – 0:3

25 avqust

AİK (İsveç) – Slovaçko (Çexiya) 0:1
İlk oyun – 0:3

Bazel (İsveçrə) – ÇSKA (Sofiya, Bolqarıstan) 2:0
İlk oyun – 0:1

ÇFR Kluj (Rumıniya) – Maribor (Sloveniya) 1:0
İlk oyun – 0:0

Hapoel (Beer-Şeva, İsrail) – Universitatya (Krayova, Rumıniya) 1:1 (penaltilər 4:3)
İlk oyun – 1:1

Fehervar (Macarıstan) – Köln (Almaniya) 0:3
İlk oyun – 2:1

Slaviya (Praqa, Çexiya) – Rakuv (Polşa) 2:0
İlk oyun – 1:2

Tvente (Niderland) – Fiorentina (İtaliya) 0:0
İlk oyun – 1:2

Viborq (Danimarka) – Vest Hem (İngiltərə) 0:3
İlk oyun – 1:3