Konfrans Liqası: “Neftçi”, “Sabah” və “Qəbələ”nin rəqibləri məlum oldu

UEFA Konfrans Liqasında 2-ci təsnifat mərhələsinin püşkü atılıb.

Komanda.az xəbər verir ki, İsveçrənin Nyon şəhərində keçirilən mərasimdə Azərbaycan təmsilçilərinin də rəqibləri məlum olub.

Bu mərhələdə “Neftçi” “Jelezniçar” (Bosniya və Herseqovina) – “Dinamo” (Minsk, Belarus) cütünün qalibi, “Qəbələ” “Omoniya” (Kipr), “Sabah” isə “Makedoniya” (Şimali Makedoniya) – RFŞ (Latviya) cütünün qalibi ilə qarşılaşacaq.

Bakı klubları ilk matçlarını səfərdə, əyalət təmsilçisi isə evdə keçirəcək.

Konfrans Liqasında 2-ci mərhələnin oyunları iyulun 27-də və avqustun 3-də keçiriləcək.