Konfrans Liqası: “Neftçi” Kipr səfərindən məğlub qayıdır

“Neftçi” bu gün UEFA Konfrans Liqasının 2-ci təsnifat mərhələsində ilk oyununa çıxıb.

Komanda.az xəbər verir ki, “ağ-qaralar” Kiprdə yerli “Aris” komandası ilə üz-üzə gəlib.

Kiprdəki oyun yeni baş məşqçi Laurentsiu Regekampfın “Neftçi”dəki ilk ciddi sınağı olub. Bakı klubunun ötən mövsüm avrokuboklarda uğursuz çıxışından sonra yeni baş məşqçiyə ümidlər böyük idi. Amma “ağ-qaralar” bu oyunda 2 cavabsız qolla məğlub olublar.

“Neftçi” ilə “Aris” arasında cavab qarşılaşması iyulun 28-də Bakıda olacaq.

UEFA Konfrans Liqası, 2-ci təsnifat mərhələsi
İlk oyun

21 iyul

Aris (Kipr) – Neftçi 2:0
Qol: Kaju, 53. Y.Qomis, 65.
Hakimlər: İvan Bebek, Qoran Pataki, Luka Payiç, Dario Bel (hamısı Xorvatiya)
Kipr, “AEK Arena”

Aris: 1. Vana, 3. Kaju, 8. Morqan Braun, 10. Matiya Şpolyariç, 13. Delmiro Evora Nasçimento (k), 14. Artur Yannik Qomis, 20. Stiv Yaqo, 21. Mixlali Mayambela, 27. Martin Sloqar, 31. Frants Brorsson, 37. Yulius Szoke.
Ehtiyat oyunçular: 28. Neofitos Stilianu, 70. Mixalis Papastilianu, 90. Ellinas Sofroniu, 5. Kostas Pileas, 7. Leo Benqtsson, 9. Daniel Sikorski, 30. Aleks Muketu-Mussunda, 58. Yevgeni Yablonski, 65. Yanis Dede Lomme, 72. Floriss Cave.
Baş məşqçi: Aleksey Şpilevski.
Neftçi: 1. İvan Brkiç, 3. Mamadu Mbodj, 4. Solomon Kvirkveliya, 5. Kenni Sayef, 6. Voyislav Stankoviç, 8. Emin Mahmudov (k), 11. Qodsvey Donyo, 14. Eddi İsrafilov, 19. Azər Salahlı, 23. Ataa Caber, 24. Yusuf Laval.
Ehtiyat oyunçular: 30. Aqil Məmmədov, 93. Rza Cəfərov, 7. Azər Əliyev, 16. Gilyerme Pato, 17. Rəhman Hacıyev, 20. Vüsal Əsgərov, 21. İsmayıl Zülfüqarlı, 26. Ömər Buludov, 27. Fərid Yusifli, 73. Ramin Nəsirli, 77. Yeqor Boqomolski, 82. Rüfət Abbasov.
Baş məşqçi: Laurentsiu Regekampf.