Kompani “Bayern”in oyununu dəyişdirib – “Barselona”ya məğlubiyyətdən sonra

“Bayern”in baş məşqçisi Vensan Kompani “Barselona”ya məğlubiyyətdən sonra komandada taktiki dəyişikliklər edib.

Komanda.az “Kicker”-ə istinadən xəbər verir ki, Münhen klubu oktyabrın 23-də Çempionlar Liqasında “Barselona”ya böyükhesablı məğlubiyyətə uğrayıb (1:4), sonrakı 6 görüşdə isə bir qol buraxmadan, 17 dəfə fərqlənməklə bütün matçlarda qalib gəlib.

Kataloniyadakı uğursuzluqdan sonra “Bayern”in çalışdırıcısı kiçik, lakin vacib taktiki düzəlişlər edib. Komanda hələ də yüksək pressinq edir, amma bunu indi bir az daha az intensivləşdirib və müdafiə xətti bir qədər geri yerləşdirilib. Bunun sayəsində, rəqibin qapısından topu keçirə bilmədikləri zaman müdafiənin sığortalanması daha yaxşı işləyir.

PSJ Çempionlar Liqası çərçivəsində keçiriləcək matçda sabah “Bayern”in seriyasını qırmağa çalışacaq. Oyun saat 00:00-da başlayacaq.