Fabreqas keçmiş komanda yoldaşını “Komo”ya aparmaq istəyir

Sesk Fabreqasın rəhbərlik etdiyi “Komo” “Lion”un yarımmüdafiəçisi Nemanya Matiçi almaqda maraqlıdır.

Komanda.az “Sky Sport Italia”-ya istinadən xəbər verir ki, maddi şərtlər müqavilə bağlamaq üçün uyğun olarsa, serbiyalı oyunçu İtaliyaya köçməyi düşünəcək.

Matiç və Fabreqas “Çelsi”də birgə çıxış ediblər.

36 yaşlı futbolçu 2024-cü ilin yanvarında “Lion”a keçib. O, bu mövsüm Fransa klubunun heyətində bütün turnirlərdə 18 oyun keçirib.

Matiç əvvəllər “Renn”, “Roma”, “Mançester Yunayted”, “Benfika” və “Vitess” klublarında da çıxış edib.