Ten Haq müdafiəçiləri tənqid etdi

“Mançester Yunayted”in baş məşqçisi Erik ten Haq Çempionlar Liqasının qrup mərhələsinin 5-ci turunda “Qalatasaray”la oyunu (3:3) şərh edib.

Komanda.az UEFA-nın mətbuat xidmətinə istinadən xəbər verir ki, o, komandasında müdafiənin kifayət qədər yaxşı olmadığını deyib:

“Biz liderliyi ələ keçirdik, sonra məğlub olduq. Üç xal qazanmalıydıq. Bunu digər matçlarda da etdik. Komandanın oyunundan razıyam, amma eyni zamanda, müdafiənin kifayət qədər yaxşı olmadığı üçün onları tənqid etməliyəm. Mən nəticəyə görə məsuliyyət daşıyıram. Biz irəliləyirik, təkmilləşirik və bu, çox ümidvericidir. Biz düzgün istiqamətdə hərəkət edirik. Mən bundan sonra hansı addımlar atacağımı bilirəm. Bu bizə uzunmüddətli perspektivdə uğur gətirəcək”.

“Qırmızı şeytanlar” Çempionlar Liqasında qrup mərhələsinin başa çatmasına bir tur qalmış 4 xalla A qrupunda sonuncu yerdədir.