“Komandamızın gənc olmasının bu nəticəyə dəxli yoxdur” – Lempard

İngiltərə Premyer Liqasının 4-cü turu çərçivəsində “Şeffild Yunayted”lə 2:2 hesablı bərabərliyə razılaşan “Çelsi”nin baş məşqçisi Frenk Lempard açıqlama verib.

Komanda.az İngiltərə mətbuatına istinadən xəbər verir ki, 41 yaşlı mütəxəssis, matçın çətin keçdiyini deyib:

“Nəticə birbaşa müdafiəmizlə bağlı deyil. Buraxılmış qollar həm hücumda, həm də müdafiədə səhvlərin nəticəsidir. Qarşılaşmada üstünlüyü əldə etdikdən sonra oyundan qopduq. “Şeffild Yunayted” çətin rəqibdir. Bizim hesabı 2:0 etməyimiz nəticəni həll etmədi. Təəssüf ki, qolları çox tez buraxdıq. Bu hesabı fərdi səhvlərin nəticəsi deyil, komandanın uğursuzluğu kimi qəbul etməliyik. Üstəlik, komandamızın gənc olmasının da bu nəticəyə dəxli yoxdur”.