“Komandamızda hər şey yaxşıdır” – Bəhlul Mustafazadə

“Qarabağ” sabah UEFA Çempionlar Liqasının pley-off mərhələsinin cavab matçında Xorvatiyanın “Dinamo” (Zaqreb) klubu ilə qarşılaşacaq.

Komanda.az xəbər verir ki, Ağdam klubunun müdafiəçisi Bəhlul Mustafazadə oyunöncəsi keçirilən mətbuat konfransında sabahkı matça yaxşı hazırlaşdıqlarını bildirib:

“Düşünürəm ki, yaxşı hazırlaşmışıq. Əlimizdən gələnin ən yaxşısını etməyə çalışacağıq ki, sabahkı oyunda sevinən tərəf biz olaq.

İlk növbədə əlbəttə ki, tənqidlərdən nəticə çıxarırıq. Səhvləri analiz edirik. Çalışırıq ki, təkrarlamayaq. Düşünürəm ki, komandamızda hər şey yaxşıdır. Mən də yaxşıyam”.

“Dinamo” – “Qarabağ” duelinin ilk qarşılaşması 3:0 hesabı ilə xorvatların qələbəsi ilə başa çatıb.

Fəxri Rüstəmli