“Barselona” titullar uğrunda mübarizə aparmağa hazırdır”

“Barselona”nın qapıçısı Mark-Andre Ter Ştegen komandanın İspaniya çempionatının yeni mövsümündəki iddialarından danışıb.

Komanda.az “Mundo Deportivo”-ya istinadən xəbər verir ki, almaniyalı futbolçu, “Barselona”nın oyunçularında böyük həvəsin olduğunu bildirib:

“Komandamız titullar uğrunda mübarizə aparmağa hazırdır. “Barselona”nın oyunçularında böyük həvəs var. Rəqabət edə biləcəyimiz güclü heyətimiz var. Bu, kuboklar qazanmağa çalışacağımız uzun bir mövsüm olacaq”.

“Barselona” ötən mövsüm La Liqanı 2-ci pillədə başa vurmuşdu. Kataloniyalılar yeni mövsümə avqustun 17-də “Valensiya” ilə oyunla başlayacaq.