“Komandada problemlər var” – Tuxel

“Bayern”in baş məşqçisi Tomas Tuxel Almaniya Bundesliqasının 21-ci turunun sabahkı “Bayer”lə oyunu öncəsi komandanın zədəli futbolçularının durumu haqda danışıb. 

Komanda.az xarici KİV-ə istinadən xəbər verir ki, almaniyalı mütəxəssis komandanın qolkiperi Manuel Noyerin bu gün məşqlərə başladığını bildirib:

“Komandada problemlər var. Alfonso Deyvis təəssüf ki, məşq edə bilmədi. Manuel Noyer bu gün qapıçı məşqlərinə başlayacaq. Onun sabaha qədər vaxtı olacaq, sonra kimin oynayacağına qərar verəcəyik: o, yoxsa Sven Ulrayx”.

Almaniya Bundesliqasında 20 turdan sonra turnir cədvəlinə “Bayer” 52 xalla başçılıq edir.