Komanda yoldaşından Palmerə “bəy tərifi”

“Çelsi”nin yarımmüdafiəçisi Enzo Fernandes komanda yoldaşı Koul Palmer haqqında danışıb.

Komanda.az xarici KİV-ə istinadən xəbər verir ki, argentinalı futbolçu, Palmerin inanılmaz dərəcədə yaxşı olduğunu bildirib:

“Palmer inanılmaz dərəcədə yaxşıdır, mən onu hər gün məşqdə görürəm. O, çox çalışan təvazökar oğlandır. Palmer əla futbol keyfiyyətlərinə malikdir. O, Erlinq Haland və Məhəmməd Salahla birgə İngiltərə Premyer Liqasının ən yaxşı üç futbolçusu arasındadır”.

22 yaşlı Palmer cari mövsümdə “Çelsi”nin aparıcı oyunçusudur: o, 11 qol vurub və 6 məhsuldar ötürmə edib. Onun “Çelsi” ilə müqaviləsi 2033-cü il iyunun 30-na kimidir.