“Mançester Siti” “Tottenhem”ə məğlub oldu

Futbol üzrə İngiltərə Premyer Liqasında 2021/2022 mövsümünə start verilib.

Komanda.az xəbər verir ki, mövsümün açılış matçında debütant “Brentford” doğma meydanda London “Arsenal”ını qəbul edib. London təmsilçisi səfərdən xalsız dönüb.

“Liverpul” klubunun ilk sınağı “Norviç”ə qarşı olub. Sözügedən komanda 3 cavabsız qola sevinib. Heyətini Romelu Lukaku ilə gücləndirən “Çelsi”nin ilk turdakı rəqibi “Kristal Pelas” olub. London klubu da startda 3 cavabsız qolla qalib gəlib. “Mançester Yunayted” isə “Lids”lə ev oyununda daha böyük hesabla üstün olub.

Son çempion “Mançester Siti” ilk turda çətin səfərə yollanıb. Xosep Qvardiolanın rəhbərlik etdiyi kollektiv London səfərində “Tottenhem”lə qarşılaşıb. Meydan sahibləri bu oyunda minimal hesabla qalib gəliblər. “Nyukasl” isə evdə “Vest Hem”ə uduzub.

İngiltərə Premyer Liqası, 1-ci tur

13 avqust

Brentford – Arsenal 2:0
Qol: Kanos, 22. Norqard, 73.

14 avqust

Mançester Yunayted – Lids 5:1
Qol: B.Fernandes, 30; 54; 60. Qrinvud, 52. Fred, 68.

Bernli – Brayton 1:2
Qol: Tarkovski, 2 – Maupay, 73. Makallister, 78.

Lester – Vulverhempton 1:0
Qol: Vardi, 41.

Uotford – Aston Villa 3:2
Qol: Dennis, 10. Sarr, 42. Kuço, 67 – Makqinn, 70. İnqs, 90+7-pen.

Everton – Sauthempton 3:1
Qol: Riçarlison, 47. Dukure, 76. Kalvert-Levin, 81 – Armstronq, 22.

Çelsi – Kristal Pelas 3:0
Qol: Alonso, 27. Pulişiç, 40. Çaloba, 58.

Norviç – Liverpul 0:3
Qol: Jota, 26. Firmino, 65. Salah, 74.

15 avqust

Nyukasl – Vest Hem 2:4
Qol: Uilson, 5. Mörfi, 40 – Kressuell, 18. Benrahma, 53. Souçek, 63. Antonio, 66.

Tottenhem – Mançester Siti 1:0
Qol: Son, 55.

Bombardir: Bruno Fernandes (“Mançester Yunayted”) – 3 qol.