Komanda.az-ın xəbəri təsdiqləndi: Emin Mahmudov Rusiyaya yola düşdü

“Neftçi” ilə müqaviləsi başa çatan Emin Mahmudovun klubda qalmaqla bağlı qərar verdiyini xəbər vermişdik.

Komanda.az xəbər verir ki, klubla yeni müqaviləyə razılaşan futbolçu Rusiyaya yollanıb. O, bu gün səhər saatlarında Sankt-Peterburqa uçub.

O, Rusiyada yeni mövsümə hazırlaşan, “Matç TV” turnirində mübarizə aparan “ağ-qaralar”ın məşqlərinə qoşulacaq.

31 yaşlı futbolçu 2017-ci ildən “Neftçi”nin formasını geyinir.