Kuadrado yenidən İtaliyada – Milanda tibbi müayinədən keçib

“Yuventus”un keçmiş yarımmüdafiəçisi Xuan Kuadrado “Atalanta”ya keçməyə yaxındır.

Komanda.az “Sport İtalia”-ya istinadən xəbər verir ki, internetdə 36 yaşlı futbolçunun tibbi müayinədən keçmək üçün Milan klinikalarından birinə gəldiyini əks etdirən video yayılıb.

Kuadrado “İnter”lə müqaviləsi başa çatdıqdan sonra azad agent statusundadır. O, ötən mövsüm 12 oyunda iştirak edib, 2 məhsuldar ötürmə verib.

Kolumbiyalı futbolçu əvvəllər “Çelsi” və İtaliyanın bir neçə klubunda çıxış edib.