Xames Rodriqes İtaliya klubuna keçə bilər

“Rayo Valyekano” və Kolumbiya millisinin yarımmüdafiəçisi Xames Rodriqes İtaliya klubuna keçə bilər.

Komanda.az “Marca”-ya istinadən xəbər verir ki, “Latsio” kolumbiyalı futbolçunu transfer etməkdə maraqlıdır.

Bundan əvvəl İspaniya mətbuatı Rodriqesin mövsümün ortasında “Rayo Valyekano”nu tərk etmə ehtimalının olduğunu yazmışdı. 33 yaşlı yarımmüdafiəçinin ona kifayət qədər oyun vaxtı verməyən baş məşqçi İniqo Pereslə münasibəti yaxşı deyil.