Kluyvert İndoneziya millisində – Rəsmi

Niderlandlı sabiq futbolçu Patrik Kluyvert İndoneziya millisinin baş məşqçisi təyin olunub.

Komanda.az xəbər verir ki, bu barədə İndoneziya Futbol Assosiasiyasının rəsmi saytı məlumat yayıb:

“İndoneziya Futbol Assosiasiyası rəsmi olaraq Patrik Kluyverti İndoneziya millisinin yeni baş məşqçisi təyin edib. Niderlandlı mütəxəssislə iki illik müqavilə imzalanıb. Anlaşmanın uzadılma ehtimalı da var. Kluyvertə işlədiyi müddətdə Aleks Pastor və Denni Landzat kimi niderlandlı məşqçilər kömək edəcək. Bundan əlavə, iki yerli mütəxəssis də məşqçi köməkçisi olacaq”.

48 yaşlı Klyuvertin əvvəlki iş yeri “Adana Dəmirspor” olub. İndoneziya millisinə bundan əvvəl cənubi koreyalı Şin Tae Yonq rəhbərlik edirdi.