Klubundan ayrıldı, paylaşımında “Neftçi”nin adını yazdı – FOTO

“Neftçi” və “Zirə”nin transfer siyahısında yer alan Kevin Nzuzi Belçikanın RVDM klubundan ayrılıb.

Komanda.az xəbər verir ki, fransalı hücumçu sonuncu klubundan ayrılması barədə “instaqram” hesabında paylaşım edib. 28 yaşlı futbolçu “instaqram”da hekayə bölümündə “Neftçi” haqda paylaşımı ilə də diqqət çəkib:

“Əziz azarkeşlər, klubdan ayrıldığımı elan edirəm. Sizinlə iki möhtəşəm il keçirdim. Məni gözəl qəbul etdiz. 15 qol vurub, bunu sizinlə qeyd etmək möhtəşəm anlar idi. Adımı klubun tarixinə yazdıra bildim. Vidalaşmaq vaxtı çatdı. Hamınıza təşəkkür edirəm”.

“Paris” klubunun yetirməsi olan Nzuzi karyerası ərzində “Nior”, “Çambli”, “Dunkirk”, “Red Star”la yanaşı, PSJ-nin ikinci komandasında da oynayıb.