Kroosla bağlı qərar verilib

“Real”ın yarımmüdafiəçisi Toni Kroos klubla müqaviləsini uzadacaq.

Komanda.az xarici KİV-ə istinadən xəbər verir ki, Madrid təmsilçisi qarşıdakı günlərdə 33 yaşlı futbolçu ilə yeni sözləşmənin imzalanacağını açıqlayacaq. Yeni müqavilə 2024-cü ilin yayına kimi nəzərdə tutulacaq.

Almaniyalı futbolçu 2022/23 mövsümündə “kral klubu”nun heyətində 50 oyuna çıxıb, iki qol vurub və beş məhsuldar ötürmə edib.