“Kloppun yeganə səhvi “Liverpul”u çalışdırmasıdır” – Runi

Hazırda ABŞ-ın “Di-Si Yunayted” klubunda forma geyinən Ueyn Runi “Liverpul”un baş məşqçisi Yurgen Kloppla bağlı açıqlama verib.

Komanda.az xarici mətbuata istinadən xəbər verir ki, ingiltərəli futbolçu, Kloppun gördüyü işi dəyərləndirdiyini deyib:

“Klopp hər bir futbolçunun birlikdə çalışmaq istədiyi məşqçidir. Futbolçuların onun rəhbərliyi altında nə qədər əyləndiklərini görürük. Onunla bir dəfə görüşmüşəm, Klopp çox gözəl insandır.

Ona və qazandığı uğurlara çox hörmət edirəm. Təkcə “Liverpul”da deyil, həm də “Borussiya”da (Dortmund). O, həqiqətən öz işində çox yaxşıdır. Onun ən uğurlu illəri hələ qarşıdadır.

Kloppun yeganə səhvi “Liverpul”u çalışdırması və orda uğur qazanmasıdır (gülür)”.