“Klopp Almaniya millisinin baş məşqçi postunda işləyə bilməz”

“Liverpul”un baş məşqçisi Yurgen Kloppun agenti Mark Kositzke alman mütəxəssisin Hans-Diter Flikin tərk etdiyi Almaniya millisinə rəhbərlik etməyəcəyini bildirib.

Komanda.az “The Athletic”-ə istinadən xəbər verir ki, Kloppun agenti onun “Liverpul”la uzunmüddətli müqaviləsi olduğunu deyib:

“Yurgenin “Liverpul”la uzunmüddətli müqaviləsi var və milli komandanın baş məşqçisi postunda işləyə bilməz”.

Kloppun Almaniya Futbol Assosiasiyasının Hans-Diter Flikin yerinə potensial namizəd olaraq gördüyü məşqçilərin siyahısında olduğu bildirilmişdi.

Almaniyalı mütəxəssisin “Liverpul”la müqaviləsi 2026-cı ilin yayına kimi nəzərdə tutulub.