Keçmiş futbolçu “Liverpul”a keçəcəyi deyilən baş məşqçini tanımırmış

İngiltərə millisinin və “Liverpul”un sabiq hücumçusu Robbi Fauler niderlandlı mütəxəssis Arne Slotun “Liverpul”a mümkün baş məşqçi təyinatından danışıb.

Komanda.az “The Mirror”-a istinadən xəbər verir ki, keçmiş futbolçu, “Feyenoord”un çalışdırıcısının “Liverpul”un baş məşqçi postuna namizədlər siyahısında olacağını düşünmədiyini söyləyib:

“Bu adın “Liverpul”un baş məşqçi postuna namizədlər siyahısında olacağını düşünmürdüm. Onun kim olduğunu bilmirdim. Bu mütəxəssis haqqında nəsə tapmaq üçün “google”-a müraciət etməli oldum. Slot “Feyenoord”da yaxşı işləyir, lakin onun Yurgen Kloppu adekvat şəkildə əvəz edə biləcəyini yalnız zaman göstərəcək”.

Daha əvvəl Kloppun cari mövsümün sonunda İngiltərə klubundan ayrılacağı açıqlanmışdı.