Klopp: “Qərar artıq verilib”

“Liverpul”un baş məşqçisi Yurgen Klopp İngiltərə kubokunun 1/4 finalında “Mançester Yunayted”ə məğlubiyyətin komandanı tərk etmək qərarına təsir edib-etməyəcəyi sualını cavablandırıb.

Komanda.az klubun rəsmi saytına istinadən xəbər verir ki, almaniyalı məşqçi qərarın artıq verildiyini bildirib:

“Qərar artıq verilib, bunun indi baş verənlərlə heç bir əlaqəsi yoxdur. Bunu aydın şəkildə izah edə bilməsəm, üzr istəyirəm. Bəlkə, almanca danışmağa cəhd etməliyəm və siz tərcümə edəcəksiz! Ancaq bunun daha yaxşı nəticə verəcəyinə əmin deyiləm”.

Martın 17-də İngiltərə kubokunun 1/4 final mərhələsində “Mançester Yunayted” və “Liverpul” qarşılaşıb. Oyun 4:3 hesabı ilə “Mançester Yunayted”in xeyrinə başa çatıb.