“Onu əldə etdiyimiz üçün çox şadam” – Klopp

“Liverpul”un baş məşqçisi Yurgen Klopp İngiltərə Premyer Liqasının 31-ci turunun “Şeffild Yunayted”ə qarşı oyununda (3:1) yarımmüdafiəçi Aleksis Makallisterin çıxışından danışıb.

Komanda.az klubun rəsmi saytına istinadən xəbər verir ki, almaniyalı mütəxəssis, yarımmüdafiəçinin komanda üçün çox vacib oyunçu olduğunu bildirib:

“Argentinalı futbolçu komanda üçün çox vacib oyunçudur və bu, hər kəsə aydındır. Əla oyunçu, əla oğlandır. Onu əldə etdiyimiz üçün çox şadam”.

25 yaşlı yarımmüdafiəçi Premyer Liqanın cari mövsümündə 25 oyunda iştirak edib. O, 4 qol vurub və 5 məhsuldar ötürmə edib.