Klopp: “O, super futbolçu və ağıllı oğlandır”

“Liverpul”un baş məşqçisi Jurgen Klopp komandanın futbolçusu Kodi Qakponu tərifləyib.

Komanda.az “Liverpool Echo”-ya istinadən xəbər verir ki, almaniyalı mütəxəssis Qakponun super futbolçu olduğunu deyib:

“O, super futbolçu və ağıllı oğlandır. Heç vaxt düşünə bilməzdim ki, onun cəmi 24 yaşı var.

O, əvvəlki klubunda kapitan idi və bu, xüsusi bir şeydir. Və sonra sən bu oğlanla tanış olursan.

Qakpo sözün əsl mənasında futbolla qidalanır. Ona verdiyimiz hansısa bir məlumatı sahəyə ötürməsi çox təbiidir.

Əvvəllər oynamadığı mövqedə oynayır, amma bundan həzz alır. Orada ona ehtiyacımız var və o, çox sakitdir, çünki üç və ya dörd mövqedə oynaya bilir. O, komandaya kifayət qədər tez uyğunlaşdı”.

“Liverpul” niderlandlı vingeri 2022-ci il dünya çempionatından sonra PSV-dən 37 milyon funt-sterlinqə alıb.