“Klopp mənə böyük təsir göstərdi” – Veynaldum

“Liverpul”un yarımmüdafiəçisi Corcinyo Veynaldum açıqlama verib.

Komanda.az klubun mətbuat xidmətinə istinadən xəbər verir ki, 29 yaşlı futbolçu, “qırmızılar”dakı inkişafı və baş məşqçisi Yurgen Klopp haqqında danışıb:

“Liverpul”a gələndən bəri inkişaf etmişəm, daha hərtərəfli futbolçu olmuşam. Əvvəllər sadəcə hücumçu kimi çıxış edirdim. Komandanın baş məşqçisi Yurgen Klopp isə məni daha çox müdafiəyönümlü oynadırdı. Hücuma öyrəşdiyim üçün, bu, mənim üçün asan olmadı, amma inkişafıma böyük köməyi oldu.

Klopp mənə böyük təsir göstərdi. Klubu əvvəlki yerinə gətirdi və öz baxışını komandaya uyğunlaşdırdı. Futbolçular da ona inanırlar, çünki o, hər birimizə diqqətli davranır. O, futbolçuları inkişaf etdirən əla məşqçi və birlikdə işləmək üçün möhtəşəm insandır. Kloppla təkbətək söhbətlərimiz çox oldu və o, haqqımda digər məşqçilərin bilmədiklərini bilir. O, mənim üçün vacib insandır”.