Klopp Fransa klubu ilə əməkdaşlıq edəcək

Hazırda “Red Bull” ilə əməkdaşlıq edən alman mütəxəssis Yurgen Klopp Fransa klublarından birinin layihəsində iştirak edəcək.

Komanda.az “Ekip”-ə istinadən xəbər verir ki, söhbət paytaxtın “FK Paris” klubundan gedir. Komandanın gələcək sahibi Antuan Arno Kloppla əməkdaşlıqdan danışıb:

“Mən artıq Klopp ilə danışmışam, onunla işləyəcəyimiz üçün fəxr edirəm. O, bizə kəşfiyyat işlərində kömək edəcək”.

“FK Paris” hazırda Fransanın ikinci divizionunda çıxış edir. Komanda keçirdiyi 13 oyundan sonra 27 xal toplayıb və turnir cədvəlinin 2-ci pilləsində qərarlaşıb.