Kloppun unuda bilmədiyi oyun

“Liverpul”un sabiq baş məşqçisi Yurgen Klopp İngiltərə komandasının “sükanı arxasındakı” ən acılı məğlubiyyətindən danışıb.

Komanda.az xarici KİV-ə istinadən xəbər verir ki, almaniyalı mütəxəssis 2022-ci ildə UEFA Çempionlar Liqasının finalında “Real”a qarşı keçirdikləri matçı xatırladıb:

“Tibo Kurtua həmin matçda inanılmaz oynadı. Bu oyunu həyatımda heç vaxt unutmaram. O vaxt necə uduzduğumuzu izah edə bilmirəm. Mən heç vaxt “Real” qədər təzyiqə məruz qalan komanda ilə rastlaşmamışam”.

“Real” və “Liverpul” arasında keçirilən final matçı “kral klubu”nun 1:0 hesablı qələbəsi ilə başa çatmışdı.

Klopp 2015-2024-cü illərdə “Liverpul”u çalışdırıb.