Klopp Halandın transferi haqda: “Dəlilikdir”

“Liverpul”un baş məşqçisi Yurgen Klopp “Borrusiya”nın (Dortmund) hücumçusu Erlinq Halandı transfer etmək istəklərindən vaz keçdiklərini bildirib.

Komanda.az “Bild”-ə istinadən xəbər verir ki, alman məşqçi, norveçli hücumçu ilə müqavilə imzalamaqdan uzaq olduqlarını söyləyib:

“Biz Halandla müqavilə imzalamağa yaxın belə, deyilik. Mediada görünən məbləğlər sadəcə dəlilikdir. Onu transfer etməyi düşünmürük, şansımız da yoxdur. Düzünü desəm, mən bu sövdələşmələri istəmirəm. Bu heç də yaxşı deyil”.

Halandın transfer qiyməti 300 milyon avrodan çoxdur (oyunçunun maaşı, agentlik haqları və bonuslar daxil).

Haland cari mövsümdə “Borussiya”nın heyətində 24 matçda 23 qol vurub, 6 məhsuldar ötürmə edib.