“Klopp güclü və xoşbəxtdir” – Milner

“Liverpul”un yarımmüdafiəçisi Ceyms Milner baş məşqçi Yurgen Klopp haqda fikirlərini bölüşüb.

Komanda.az “Daily Mail”-ə istinadən xəbər verir ki, o, Kloppun güclü və xoşbəxt olduğunu deyib:

“Klopp səmimi, güclü və xoşbəxt insandır. O, komanda ilə danışanda zarafatlar edir, oyunçuları sakitləşdirməyə çalışır. 2018-ci ildə Çempionlar Liqasının finalından əvvəl də belə idi. O, oyunöncəsi görüş keçirdi, taktikadan, nə edəcəyimizdən, rəqibin nə edəcəyindən danışdı. Lakin oyunun stresli olacağını bilirdi”.

“Liverpul” bu gün saat 23:00-da UEFA Çempionlar Liqasının final oyununda “Real”la qarşılaşacaq.