Kloppdan zədəli futbolçularla bağlı açıqlama

“Liverpul”un baş məşqçisi Yurgen Klopp komandasının hücumçuları Məhəmməd Salah və Darvin Nunyesin səhhətində müəyyən problemlər olduğunu bildirib.

Komanda.az xarici KİV-ə istinadən xəbər verir ki, o, bunları deyib:

“Nunyesin səhhətində son oyunda problem oldu və biz bu problemə hər gün diqqət edirik. Salahla da eyni. Onun dizlərində problem var. Görək bundan sonra nə olacaq. Dəhşətli bir şey yoxdur, amma biz gözləməliyik”.

Salah bu mövsüm bütün turnirlərdə 28 matçda iştirak edib, 19 qol vurub, 10 məhsuldar ötürmə edib. Misirli futbolçunun klubla hazırkı müqaviləsi 2025-ci ilin yayına kimi nəzərdə tutulub.