Kiyev “Dinamo”su azərbaycanlı futbolçuları məyus etdi

Futbol üzrə Ukrayna Premyer Liqasında 1-ci turdan təxirə salınmış oyunlar keçirilib.

Komanda.az xəbər verir ki, azərbaycanlı futbolçular – Rüstəm Əhmədzadə ilə Eldar Quliyevin formasını geyindiyi “Minay” da növbəti matçına çıxıb.

Sözügedən kollektiv səfərdə Kiyev “Dinamo”su ilə qarşılaşıb. Futbolçularımızın komandası bu oyundan məğlubiyyətlə ayrılıb – 0:2.

Eldar bu oyuna start heyətdə başlayıb və sonadək oynayıb. Rüstəm isə 57-ci dəqiqədə meydana buraxılıb.

Üç turdan sonra 3 xalı olan “Minay” 16 kollektiv arasında 10-cu pillədə qərarlaşıb.