Kipr klubu Araz Abdullayevlə yollarını ayırdı

Kiprin “Etnikos” klubu futbolçusu Araz Abdullayevlə yollarını ayırıb.

Komanda.az xəbər verir ki, bu barədə klubun mətbuat xidməti məlumat yayıb. 29 yaşlı yarımmüdafiəçinin müqaviləsinə qarşılıqlı razılaşma əsasında xitam verilib.

Araz Abdullayev 2021-ci ilin iyulundan “Etnikos”da çıxış edirdi. O, Kipr təmsilçisi ilə bu mövsüm 12 oyunda 3 məhsuldar ötürmə ilə yadda qalıb.