“Real” alman futbolçunu almaqdan imtina edib

“Bayern”in yarımmüdafiəçisi Coşua Kimmix çətin ki, “Real”a keçsin.

Bu günlərdə Almaniya mətbuatında münhenlilərlə müqaviləsi 6 aydan az müddətə başa çatacaq oyunçuya madridlilərin maraq göstərməsi ilə bağlı məlumatlar yayılıb. İspaniyada bu məlumat təkzib edilib.

Komanda.az “Marca”-ya istinadən xəbər verir ki, almaniyalı yarımmüdafiəçinin xidməti “kral klubu”na təklif olunub, ancaq “Real”ın nümayəndələri bundan imtina ediblər.

Şayiələrə inansaq, “Barselona” da Kimmixlə maraqlanır.

29 yaşlı futbolçu bu mövsüm “Bayern”in heyətində 28 oyun keçirib, 1 qol vurub və 7 məhsuldar ötürmə edib.