“Kimmix karyerasını “Bayern”də davam etdirsə, şad olarıq”

“Bayern”in prezidenti Herbert Hayner yarımmüdafiəçi Coşua Kimmixin müqaviləsi ilə bağlı vəziyyətdən danışıb.

Komanda.az “Sky Sport Germany”-ya istinadən xəbər verir ki, klub rəhbəri Kimmixi təkcə növbəti mövsüm deyil, uzun illər üçün saxlamaq istədiklərini bildirib:

“Coşua karyerasını “Bayern”də davam etdirsə, şad olarıq. Biz onu təkcə növbəti mövsüm deyil, uzun illər üçün də saxlamaq istəyirik”.

29 yaşlı futbolçunun Münhen klubu ilə müqaviləsi 2025-ci ilin yayına qədərdir.

Kimmix bu yay “Bayern”dən ayrılmağı düşünürdü, lakin sonda qalmaq və heç olmasa, müqaviləsini tamamlamağa qərar verib. Almaniyalı futbolçu ilə daha əvvəl “Barselona” və “Mançester Siti” maraqlanırdı.