“Keynlə etdiklərimi Broxa ilə müqayisə etməyin” – Poçettino

“Çelsi”nin baş məşqçisi Maurisio Poçettino hücumçu Armando Broxanın London klubunda əsas oyunçu statusu qazanmaq üçün nə etməli olduğunu deyib.

Komanda.az xarici KİV-ə istinadən xəbər verir ki, argentinalı mütəxəssis Broxanın hələ çox gənc olduğunu bildirib:

“Harri Keynlə etdiklərimi Broxa ilə müqayisə etməyin. O, hələ çox gəncdir. “Çelsi” kimi böyük klubda oynamaq istəyən hər kəs səbirli olmalı və bu rolu yerinə yetirə biləcəyini göstərməlidir.

O, özünü sübut etməyə davam etməli və komandamızın daha bir əsas hücumçusu olmaq üçün mümkün olan hər şeyi etməlidir”.

Oktyabrın 2-də Broxa “Fulhem”lə matçda (2:0) “zadəganlar”ın heyətində mövsümdə ilk qolunu vurub.