De Bruyne Cerrardın bacardığını bacardı

“Mançester Siti”nin futbolçusu Kevin de Bruyne “Liverpul”un keçmiş kapitanı Stiven Cerrardın İngiltərə Premyer Liqasındakı nailiyyətini təkrarlayıb. 

Komanda.az xarici KİV-ə istinadən xəbər verir ki, 31 yaşlı yarımmüdafiəçi buna “Vulverhempton”u 3:0 hesabı ilə məğlub etdikləri 7-ci tur oyununda nail olub. 

Belçikalı futbolçu oyunda iki məhsuldar ötürmə edib və Premyer Liqada ötürmələrinin sayını 92-yə yüksəldib. 

Cerrard 504, Kevin de Brüyne isə 287 qarşılaşmada bu göstəriciyə çatıb. 

Kevin de Bruyne 2015-ci ildən “şəhərlilər”in formasını geyinir.