“Zaur Axundov “Keşlə”də qalmağımı istədi” – Sezar Meza Kolli

“Keşlə”nin futbolçusu Sezar Meza Kolli açıqlama verib.

Komanda.az xəbər verir ki, Paraqvay mətbuatına danışan Sezar, “Keşlə”nin prezidenti Zaur Axundovun ondan klubda qalmasını istədiyini deyib:

“Keşlə” ilə müqaviləm ayın sonunda bitir. Klubun prezidenti Zaur Axundov bu haqda danışmaq üçün məni çağırdı. Onunla yaxşı münasibətlərim var, ata-oğul kimiyik. Görüşüb, danışdıq. Zaur Axundov “Keşlə”də qalmağımı istədi. Lakin indi qələbənin dadını çıxarıram. Sonra karyeramla bağlı ağıllı qərar verəcəm”.

“Keşlə” ilə müqaviləsi bitən Sezarla “Neftçi” yaxından maraqlanır.