Klopp: “Ümid edirəm ki, “Borussiya” bu yarışda qalib gələcək”

“Liverpul”un çalışdırıcısı Yurgen Klopp Almaniya Bundesliqasında gedən çempionluq yarışından söz açıb.

Komanda.az xarici KİV-ə istinadən xəbər verir ki, o, “Borussiya”nın (Dortmund) qalib gələcəyinə ümid etdiyini deyib:

“Ümid edirəm ki, “Borussiya” bu yarışda qalib gələcək. Bunun Dortmund şəhəri üçün hansı mənanı verdiyini bilirəm”.

Almaniyalı mütəxəssis 2008-2015-ci illərdə “Borussiya”nı çalışdırıb.

Dortmund təmsilçisi hazırda ölkə çempionatının turnir cədvəlində 70 xalla birincidir. Onlar 34-cü tur çərçivəsində bu gün “Maynts”la qarşılaşacaq. İkinci pillədə qərarlaşan “Bayern” isə 68 xala sahibdir. Münhen klubu bu gün “Köln” səfərinə yollanacaq. Hər iki matç saat 17:30-da başlayacaq.