Keçmiş futbolçusundan “Mançester Yunayted”ə məsləhət

“Mançester Yunayted”in keçmiş futbolçusu Mikael Silvestr yarımmüdafiəçi Kazemiro ilə bağlı kluba məsləhət verib.

Komanda.az “TG Casino”-ya istinadən xəbər verir ki, fransalı keçmiş futbolçu, Kazemironun hələ də dəyərli oyunçu olduğunu göstərmək üçün enerji və gücə malik olduğunu bildirib:

“Düşünürəm ki, Kazemiro hələ də dəyərli oyunçu olduğunu göstərmək üçün enerji və gücə malikdir. Bəlkə də, bütün matçlarda olmasa da, vacib oyunların əksəriyyətində gözlənilən səviyyədə çıxış etdi. Onun haqda nəticə çıxarmağa tələsməzdim. Bundan əlavə, o, paltardəyişmə otağı üçün də vacibdir. “Mançester Yunayted” qələbələrə qayıtmaq istəyirsə, onlara belə oyunçular lazımdır”.

“Qırmızı şeytanlar”ın braziliyalı futbolçunu satmaq istədiyi bildirilirdi.

“Mançester Yunayted” avqustun 10-da İngiltərə superkubokunda “Mançester Siti” ilə qarşılaşacaq.