Keçmiş futbolçudan Ronaldoya: “Karyeranı bitirməlisən”

İtaliyalı keçmiş futbolçu Antonio Kassano hesab edir ki, “Mançester Yunayted”in və Portuqaliya yığmasının hücumçusu Kriştiano Ronaldonun karyerasını başa vurmasının vaxtı çatıb.

Komanda.az “Marca”-ya istinadən xəbər verir ki, Kassano bunları deyib:

“Artıq dözə bilmirsənsə, bitirməlisən. Bu, bütün idman növlərinin qaydasıdır. O, çoxlu kuboklar əldə etdi, fenomen idi, çox pul qazandı. Amma artıq Ronaldo “Mançester Yunayted”in ulduzu deyil”.

Ronaldo UEFA Millətlər Liqasının qrup mərhələsinin 6-cı turunun İspaniya ilə oyununda (0:1) Portuqaliya millisinin məğlubiyyətinə üzülüb. İspaniya millisi 11 xal toplayaraq Millətlər Liqasının pley-off mərhələsinə yüksəlib, Portuqaliya yığması isə 10 xalla ikinci olub.

Bizi Telegramda izləyin