Keçmiş futbolçudan AÇ-2024-ün qalibi ilə bağlı proqnoz

Keçmiş futbolçu Cimi Karrager qarşıdan gələn Avropa çempionatı ilə bağlı proqnoz verib.

Komanda.az xəbər verir ki, Karrager “The Telegraph” qəzetinə müsahibəsində İngiltərə yığmasının Fransaya uduzacağı təqdirdə, fransızların finala yüksələcəyini bildirib.

Karragerə görə, AÇ-2024-ün ikinci finalçısı turnirin ev sahibi olan Almaniya millisi olacaq. Kubok uğrunda həlledici görüşdə fransızlar almanlardan güclü olacaq. Ümumiyyətlə, Karrager Fransa milli komandasının qələbəsini proqnozlaşdırır.

Bu arada, Karragerin bir çox proqnozlarının qeyri-dəqiq olduğunu söyləməyə dəyər. “Liverpul”un keçmiş oyunçusu bu yaxınlarda “Borussiya”nın (Dortmund) Çempionlar Liqasının finalında “Real”ı məğlub edəcəyini proqnozlaşdırmışdı.