Sabiq futbolçu “Arsenal”ın hücum xəttini tənqid etdi

“Mançester Yunayted”in sabiq oyunçusu Qari Nevill “Arsenal”ın hücum xəttini tənqid edib.

Komanda.az xarici KİV-ə istinadən xəbər verir ki, ingiltərəli keçmiş müdafiəçi, Qabriel İsanın son matçdakı çıxışına diqqət etdiyini bildirib:

“Mən Qabriel İsanın son matçdakı çıxışına diqqət etdim. Düzünü desəm, Qabrieli bəyənirəm, ancaq onu görmək istədiyiniz mövqelər istisna olmaqla, hər yerdədir. Kay Haverts ona bənzəyir, onları daha tez-tez qapı önündə görmək istərdim. Onlar daha yaxşı olmalıdırlar”.

“Arsenal” İngiltərə Premyer Liqasının turnir cədvəlində 2-ci yerdədir və daha az oyun keçirən lider “Liverpul”dan 6 xal geri qalır.

Mikel Artetanın komandası sabah İngiltərə kubokunun yarımfinalında “Nyukasl”la qarşılaşacaq.